Грузиядан қаржы пирамидаларын құруға күдікті адам экстрадицияланды

27 маусым 2019 Версия для печатиВерсия для печатиPDFPDF

Нұр-Сұлтан, 27 маусым 2019 жыл. Бүгін Қазақстан Республикасының Бас прокуратурасы және ҚР ІІМ Интерпол қызметкерлері қаржы пирамидаларын құруға күдік бойынша үшін ІІМ Тергеу департаменті іздестіріп жатқан Бақыт Жұмабаевты қылмыстық жауапкершілікке тарту үшін Грузиядан экстрадициялады.

Тергеудің болжамы бойынша, Жұмабаев «UNNNITY corporation» компаниясының менеджері бола отырып, 2016-2017 жылдары басқа тұлғалармен бірге топтасып Қазақстанның бірқатар облыстарының аумағында заңсыз табыс табу үшін аталған компанияға азаматтардың ақшасын тарту және бір қатысушыларды басқа тұлғалардың жарналары есебінен байыту мақсатында оларды кейіннен қайта бөлу арқылы қылмыстық іс-әрекет ұйымдастырған. Қылмыстық іс бойынша жалпы шығын 160 млн. теңгеден асқан.

Қылмыс жасағаннан кейін күдікті қылмыстық қудалау органынан жасырынған, осыған байланысты оған халықаралық іздеу жарияланды және кейіннен Грузияда ұсталды.

Қазіргі уақытта Жұмабаев Нұр-Сұлтан қаласының тергеу изоляторына қамалды.

 

ҚР Бас прокуратурасының баспасөз қызметі

press@prokuror.kz

8 (7172) 71 27 66

8 (7172) 71 28 19

 

Пікірлер

Жаңа пікірді жазу