You are here

Вьетнаммен ұстап беру туралы және қылмыстық істер бойынша құқықтық көмек туралы шарттарға қол қою туралы

Версия для печатиВерсия для печатиPDFPDF
Вьетнаммен ұстап беру туралы және қылмыстық істер бойынша құқықтық көмек туралы шарттарға қол қою туралы - 1120519119

2017 ж. 19 маусым, Астана қ. А.ж. 15-16 маусымы аралығында Қазақстан Бас Прокуроры Жақып Асановтың Вьетнам Социалистік Республикасы Ханой қаласына сапары барысында Вьетнамның Бас прокуроры Ле Минь Чи және Қоғамдық қауіпсіздік министрі То Ламмен кездесулер өтті, нәтижесінде экстрадиция туралы және қылмыстық істер бойынша құқықтық көмек туралы мемлекетаралық шарттарға қол қойылды. 

Тараптар осы уағдаластық құжаттар арқылы екі елдің құзырлы органдары арасындағы ынтымақтастықты нығайтуға, қылмыспен күресте, заңдылық пен құқықтық тәртіпті қамтамасыз етуге маңызды үлес қосуға үндейтінін атап өтті. Сапар барысында қазақстандық делегациямен жақын арада үшінші шартқа қол қою, яғни сотталған тұлғаларды беру туралы келісімге келді.

Жақып Асанов вьетнамдық әріптестерін Қазақстан прокуратурасы қызметінің басты бағыттары мен артықшылықтары, халықаралық ынтымақтастық саласындағы жетістіктері мен перспективалары туралы хабардар етті.

«Құқықтық салада бізде вьетнамдық әріптестермен ортақ түсінік бар, ал ең бастысы өзара ықпалдастықты күшейту, бір-бірімізге көмектесу, ынтымақтастықты дамытуға ниет бар. Қазақстан және онда тұратын халықтардың гүлденуінің кепілі шетелдердегі біздің достарымызбен белсенді ынтымақтастық болып табылады. Олардың ішінде Вьетнам Социалистік Республикасы маңызды орын алады» Қазақстан Бас Прокуроры сұхбатта атап өтті. 

Өз кезегінде Бас прокурор мен Қоғамдық қауіпсіздік министрі Вьетнамның құқық қорғау және сот жүйелері туралы ақпаратпен бөлісті, сондай-ақ қылмыстық-құқықтық саладағы екіжақты қатынастарды дамытуға дайын екендігін білдірді.  

Ведомстволардың басшылары құқықтық саладағы өзара ықпалдастықтың өзекті мәселелері бойынша пікір алмасты.

ҚР Бас прокуратурасының Баспасөз қызметі

press@prokuror.kz

+7 7172 71 27 66

+7 7172 71 28 19

Пікірлер

Жаңа пікірді жазу

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.